Channing Tatum vill leikstýra Magic Mike 219. september '12 11:58
Leikarinn Channing Tatum hefur svo sannalega átt gott ár og hefur unnið sig hratt upp metorðsstigann í draumasmiðjunni Hollywood. Á fimm mánuðum hafa þrjár kvikmyndir með honum halað inn yfir 100 milljónir dala vestanhafs og geri aðrir betur. Myndirnar þrjár eru The Vow, 21 Jump Street og Magic Mike, en hann framleiddi einnig þá síðastnefndu. Leikstjórinn Steven Soderbergh leikstýrði Tatum í Magic Mike við góðar undirtektir og Tatum stefnir nú á framhaldsmynd. Soderbergh kemur þó ekki til með að vera við stjórnvöllinn þar sem hann hyggst setjast í helgan stein snemma á næsta ári. Tatum ætlar þó ekki að deyja ráðalaus og hefur ákveðið að taka sjálfur að sér leikstjórnina og kemur handritshöfundurinn Reid Carolin til með að vera honum innan handar við leikstjórnina. Hann ætlar þó ekki strax að hoppa út í djúpu laugina heldur kemur Tatum til með að leikstýra lítilli kvikmynd, að eigin sögn, áður en hann snýr sér að Magic Mike 2. „Reid og ég erum engir asnar. Við erum ekki að fara leikstýra okkar fyrstu kvikmynd sem framhaldi að Steven Soderbergh-kvikmynd. Það er ekki gáfulegt,“ sagði Tatum í viðtali við Indiewire. „Við ætlum að byrja á einhverju litlu... gera mikið af mistökum, gera mistökin snemma, og ætlum svo að hoppa í framhaldið.“ Tatum telur sig ekki geta apað eftir Soderbergh og ætlar því að fara sína eigin leið í framhaldsmyndinni. Tatum sést næst í kvikmyndinni 10 Years sem verður frumsýnd vestanhafs í þessari viku. Vignir Jón Vignisson |
Nýjast
|