Mel Gibson horfir til VOD dreifingar

1. febrúar '12 12:40 Mel Gibson horfir til VOD dreifingar

Nýjasta kvikmynd Mel Gibsons, Get the Gringo, verður ekki sýnd í kvikmyndahúsum vestanhafs heldur verður hún frumsýnd í „voddinu" eða VOD (e. Video-on-demand) þann 1. maí. Myndin verður fáanleg hjá DirecTV og á verður leigan einungis 10.99 dalir en almennt verð á bíómiða vestanhafs er í kringum 8-12 dali. DirecTV er með 20 milljónir áskrifenda þannig að þeir sem eru líklegir til að skella sér á myndina sem hét upphaflega How I Spent My Summer Vacation eru býsna margir.

Bílstjóri á flótta undan landamæraeftirlitinu í Mexíkó er handsamaður með lík í aftursætinu. Hann er í kjölfarið dæmdur og settur í fangelsi þar sem hann kynnist 10 ára dreng sem kennir honum á lífið innan veggjanna. Leikstjóri myndarinnar er Adrian Grunberg en hann starfaði áður sem aðstoðarleikstjóri á Gibson-myndinni Apocalypto. Gibson fer með aðalhlutverkið, skrifar, framleiðir og dreifir myndinni um allan heim. Myndin verður frumsýnd í kvikmyndahúsum víða í Evrópu undir nafninu How I Spent My Summer Vacation.

Spekingar vestanhafs telja að Gibson hafi kosið að fara þessa óhefðbundu leið vegna dræmrar aðsóknar á síðustu myndar kappans, The Beaver, þar sem hann lék á móti Jodie Foster. Sú mynd skilaði aðeins rúmri einni milljón dala í kassann í Bandaríkjunum þrátt fyrir góðar undirtektir gagnrýnenda en á sama tíma var Gibson í harðri forræðadeilu við barnsmóður sína. Gibson kom vægast sagt illa út í fjölmiðlum í því máli enda getur framkoma hans seint talist til eftirbreytni og djöfulgangurinn í honum kom harkalega niður á aðsókninni.

Gibson og meðframleiðendur hans telja það sterkari leik að tefla myndinni fram í voddinu frekar en að spandera í filmu- og auglýsingakostnað sem fylgir sýningum í kvikmyndahúsum. Hvað sem ölli líður verður þetta áhugaverð tilraun sem fróðlegt verður að fylgjast með.

Mel Gibson horfir til VOD dreifingar

Vignir Jón Vignisson

Engin ummæli hafa verið skráð

Skráðu þig inn til að skrifa ummæli

Nýjast