Mama heitir ný hryllingsmynd sem er væntanleg á næsta ári frá framleiðendanum Guillermo del Toro. Leikstjóri myndarinnar er Andy Muschietti og fer Jessica Chastain með aðalhlutverkið. Sýnishornið fyrir myndina má sjá hér fyrir neðan.
Myndin segir frá tveimur litlum stelpum sem týnast í skógi og finnast fimm árum síðar. Í fyrstu liggur ekki fyrir hvað gerðist á þessum fimm árum en hægt og bítandi kemur sannleikurinn í ljós. Í öðrum hlutverkum eru Nikolaj Coster-Waldau, Megan Charpentier og Isabelle Nellsse.
