A PHP Error was encountered

Severity: Notice

Message: Only variable references should be returned by reference

Filename: core/Common.php

Line Number: 257

After Earth | Kvikmyndavefurinn Svarthöfði

Í bíó: After Earth (2013)

6. júní '13 14:30 After Earth

„Síðasta áratuginn eða svo hefur Shyamalan verið algjörlega úti á þekju þegar það kemur að kvikmyndagerð og hann er enn á sömu niðurleið með After Earth.“

Kitai og faðir hans, hershöfðinginn Cypher Raige, brotlenda á jörðinni þúsund árum eftir að hún varð óbyggileg og mannkynið yfirgaf hana. Hættur leynast við hvert fótmál og Cypher felur syni sínum það verkefni að endurheimta björgunarbúnað sem er í stéli geimskipsins sem er 100 kílómetra frá þeim feðgum. Kitai vill gera föður sinn stoltan af sér og gera allt til þess að öðlast virðingu hans en til þess þurfa þeir að treysta hvor öðrum.

Leikstjórinn mistæki M. Night Shyamalan leikstýrir feðgunum Jaden og Will Smith í framtíðarmyndinni After Earth. Will framleiðir myndina ásamt eiginkonu sinni og er elsta syninum teflt fram í aðalhlutverkinu. Will situr sjálfur í aðstoðarbílstjórasætinu auk þess sem hann skrifaði söguna sem myndin er byggð á.

Shyamalan, sem hefur gert myndir á borð við The Sixth Sense og Unbreakable, hefur átt erfitt uppdráttar sem leikstjóri síðusta áratuginn. Hver myndin á fætur annarri hefur kolfallið hjá leikstjóranum sem var áður sagður vera „næsti" Steven Spielberg eða Alfred Hitchcock. Síðustu myndir hans, The Village, Lady in the Water, The Happening og The Last Airbender hafa trónað á fjölmörgum árslistum yfir verstu kvikmyndir þess árs og er ég ekki frá því að After Earth bíði sömu örlög.

Sögusviðið í After Earth er ansi umfangsmikið og á fyrstu tíu mínútunum myndarinnar er áhorfendum greint frá því hvernig mannkynið hefur staðið í ströngu síðustu þúsund ár eftir að hafa yfirgefið jörðina eftir illa meðferð á henni. Geimverur eru við hvert fótmál og aðeins þeir hæfustu geta tekist á við þær og lagt að velli. Geimverubanarnir eru kallaðir „draugar“ og Smith eldri leikur Cypher sem er sá færasti í hópi drauganna. Gott og blessað ef þetta væri ekki svo keimlíkt því sem áhorfendur sáu í Avatar eða núna síðast í Oblivion.

Fjöldi samtala milli þeirra feðga virka ótrúlega þvinguð og kjánaleg. Í einu atriði sem átti að vega þungt í sambandi þeirra þegar Will segir syninum hvernig „ótti er ekki raunverulegur" fór nettur aulahrollur um undirritaðann. Það sem átti að vera tilfinningaþrungasta atriði myndarinnar er einfaldlega hallærisleg klisja þegar Will tekur sér drjúgan tíma til þess að tromma upp tilfinningar milli setninga og leggur áherslu á hvern einasta aukatekinn staf. Ekki bætur úr skák hversu stirður hann virkar í hlutverkinu en hann er einfaldlega fráhrindandi.

Á meðan áhorfi stóð var ekki annað hægt að hugsa en að eina ástæðan fyrir því að Jaden fari með aðalhlutverkið sé sú að hann er sonur Will Smith. Auðvitað þarf ekki mikinn sérfræðing til þess að átta sig á því en það er ekki nóg. Strákurinn verður að geta staðið á eigin fótum en hann er einfaldlega ekki góður leikari. Í mörgum atriðum eru þeir feðgar, hvor í sínu lagi, að kreista fram orð um tilfinningar sínar í gegnum talstöð. Þessi samtöl eru frekar kjánaleg og gera ekkert nema versna eftir því sem líður á myndina.

Síðasta áratuginn eða svo hefur Shyamalan verið algjörlega úti á þekju þegar það kemur að kvikmyndagerð og hann er enn á sömu niðurleið með After Earth. Þeir Smith-feðgar eru lítt betri í pappírsþunnum persónum sem skilja ekkert eftir sig. Shyamalan verður einfaldlega að fara taka sig til í andlitinu eða einfaldlega sleppa þessu. Ef jákvæðan punkt á að finna við myndina er hann sá að hún er betri en The Happening sem Shyamalan gerði fyrir nokkrum árum en það er bara vegna þess að það er ekki mögulegt að gera verri mynd en hana.

Leikstjóri: M. Night Shyamalan
Handrit: M. Night Shyamalan, Gary Whitta, Will Smith
Leikarar: Jaden Smith, Will Smith, Sophie Okonedo, Zoe Isabella Kravitz



Svarthöfði 2011-2013 - Allur réttur áskilinn | svarthofdi (hjá) svarthofdi.is | Um Svarthöfða