A PHP Error was encountered

Severity: Notice

Message: Only variable references should be returned by reference

Filename: core/Common.php

Line Number: 257

Alien³ (Alien 3) | Kvikmyndavefurinn Svarthöfði

Blu-ray: Alien³ (Alien 3) (1992)

14. febrúar '12 13:33 Alien³ (Alien 3)

„Aðdáendur hafa lengi falið sig bakvið þá staðreynd að Fincher hafi ekki fengið sínu framgengt og að myndin gjaldi fyrir það. Ég einhvernveginn stórefa að Fincher hefði getað bjargað þessu vonda handriti, ljóta umhverfi og leiðinlega andrúmslofti.“

Alien og Aliens hafa lengi verið meðal minna uppáhaldsmynda. Ekki get ég sagt hið sama um framhöldin sem fylgdu, Alien³ og Alien Resurrection, en komu myndirnar út í magnaðri Blu-ray útgáfu þar sem hægt er að velja um mismunandi útgáfur á diskunum. Þar á meðal eru útgáfur leikstjórana, lengri útgáfur og vinnsluútgáfa, en hér tek ég einmitt fyrir vinnsluútgáfuna (e. workprint) af Alien³.

Leikstjórinn David Fincher þreytti frumraun sína sem leikstjóri með Alien³ eftir að hafa vegnað vel í tónlistarmyndböndum, sem voru meðal annars framleidd af Sigurjóni Sighvatssyni. Fincher fetaði í fótspor mikilla snillinga, Ridley Scott og James Cameron, og var það ekkert smá afrek út af fyrir sig. Ridleys lagði í Alien áherslu á hæga uppbyggingu og einangrun í risastóru geimsipinu ólíkt Cameron sem kaus að keyra hasarinn í botn. Löngu síðar tók Fincher við keflinu og lagði til þriðja hlutann í geimævintýri Ellenar Ripley.

Aliens endaði á afar góðum nótum og Alien³ tók við í beinu framhaldi. Það samband sem Cameron var búinn að byggja upp milli Ripley og eftirlifandi persóna var sterkt og í raun var ekki hægt að hugsa sér betri endi á Aliens. Ripley er marglaga persóna sem er drifin áfram af lífsvilja og baráttuandinn er hennar helsta einkenni. Í byrjunaratriði Alien³ voru þær línur sem Cameron lagði teknar og þær sveigðar í allt aðra átt. Ripley er skilin eftir allslaus, sárþjáð, þunglynd og almennt hundleiðinleg. Það er búið að svifta hana öllu því sem skipti hana máli í lífinu og næstu tvo og hálfan tímana gerir hún lítið annað en að vera döpur í tilgangsleysi. Þetta er ekki sama persóna og áhorfendur sáu áður og líkaði vel við. Hjálparsveinar hennar í myndinni eru litlu skárri og í það heila er ekki ein viðkunnaleg persóna í myndinni.

Fincher yfirgaf framleiðslu myndarinnar í miðri klippingu þegar hann fékk ekki sínu framgengt eftir mikil leiðindi við framleiðendur myndarinnar, 20th Century Fox. Fincher var boðið að snúa aftur að klippiborðinu í tilefni af útgáfu myndana á Blu-ray en ólíkt þremur leikstjórum hina myndanna, afþakkaði hann.

Vinnsluútgáfan því komast næst sýn Finchers og líkust því hvernig hann sá myndina fyrir sér. Þessi útgáfa er tæpum hálftíma lengri en sú sem kom í bíó. Í vinnsluútgáfunni er fjallað nánar um brotlendinguna á plánetunni og komið betur inn á trúarstef myndarinnar. Endirinn er að vísu örlítið betri en lítið meira en það. Þessi hálftími gerir ekkert fyrir heildina og dregur hana jafnvel enn lengra niður.

Aðdáendur hafa lengi falið sig bakvið þá staðreynd að Fincher hafi ekki fengið sínu framgengt og að myndin gjaldi fyrir það. Ég einhvernveginn stórefa að Fincher hefði getað bjargað þessu vonda handriti, ljóta umhverfi og leiðinlega andrúmslofti. Meira að segja Sigourney Weaver virðist vera orðin þreytt á persónu sinni, henni Ripley, og endalausum hrakförum hennar.

Þrátt fyrir að vinnsluútgáfan eiga vera „næst sýn Finchers" þá vantar töluvert upp á Alien³. Þunglamalegt andrúmsloft, niðurdrepandi söguþráður og drepleiðinlegar persónur eru og voru í því handriti sem Fincher hafði undir höndum þegar hann tók að sér að leikstýra myndinni.

Leikstjóri: David Fincher
Handrit: David Giler, Watler Hill, Larry Ferguson, Vincent Ward
Leikarar: Sigourney Weaver, Charles S. Dutton, Charles Dance og Lance Henriksen



Svarthöfði 2011-2013 - Allur réttur áskilinn | svarthofdi (hjá) svarthofdi.is | Um Svarthöfða