A PHP Error was encountered

Severity: Notice

Message: Only variable references should be returned by reference

Filename: core/Common.php

Line Number: 257

Cabin Fever | Kvikmyndavefurinn Svarthöfði

Úr bunkanum: Cabin Fever (2002)

29. júní '12 14:07 Cabin Fever

„Eli er einnig mjög meðvitaður um mikilvægi nektar og kynlífs í unglingahrollvekjum og beitir þeim meðulum á réttan hátt.“

Fimm ungmenni, þrír strákar og tvær föngulegar gellur, fara út í skóg til að fagna skólalokum en þar ætla þau að sukka saman í viku. Sælan verður þó skammvinn þar sem eitt þeirra veikist heiftarlega, byrjar að hósta blóði og missa húðina með tilheyrandi subbuskap. Þegar krakkarnir átta sig á því að bráðsmitandi og drepandi vírus er á ferðinni er hver næstur sjálfum sér í örvæntingarfullri baráttu fyrir heilsunni og húðinni.

Þetta hljómar svo sem ekkert merkilegra en meðal unglingahrollur. Cabin Fever stendur þó slíkum myndum miklu framar enda óvenjuvel skrifuð, sneisafull af fyndnum samtölum. mátulega sjúkum húmor og góðum slatta af viðbjóði.

Þetta er sem sagt ekta hryllingsmynd af gamla skólanum enda sækir leikstjórinn Eli Roth innblástur til Evil Dead, Texas Chainsaw Massacre, The Thing og húðsjúkdóms sem hann fékk á Selfossi fyrir áratug.

Eli hefur dásamlega tilfinningu fyrir byggingu hryllingsmynda og þegar Cabin Fever kom í bíó hafði liðið allt of langur tími frá því að gríni og viðbjóði hafði verið blandað jafn vel saman í mynd af þessu tagi. Eli er einnig mjög meðvitaður um mikilvægi nektar og kynlífs í unglingahrollvekjum og beitir þeim meðulum á réttan hátt.

Fínasta skemmtun fyrir þá sem fíla góðan hroll.

Leikstjóri: Eli Roth
Handrit: Eli Roth, Randy Pearlstein
Leikarar: Jordan Ladd, Rider Strong,James DeBello



Svarthöfði 2011-2013 - Allur réttur áskilinn | svarthofdi (hjá) svarthofdi.is | Um Svarthöfða