A PHP Error was encountered

Severity: Notice

Message: Only variable references should be returned by reference

Filename: core/Common.php

Line Number: 257

Fast & Furious 6 | Kvikmyndavefurinn Svarthöfði

Í bíó: Fast & Furious 6 (2013)

29. maí '13 20:16 Fast & Furious 6

„Diesel og gengið má eiga það að þeim tókst að taka U-beygju á slappri kvikmyndaseríu með nýjum áherslum með Fast Five og þessari. Vel má vera að Fast & Furious 6 sé fyrirsjáanleg, hávaðasöm og kjánaleg en hún er einnig skemmtileg og fjörug og er það einmitt sem skiptir máli.“

Dom og gengið hans lifir góðu lífi eftir ránið mikla sem þau frömdu í Brasilíu í Fast Five. Hópurinn hefur þó tvístrast í allar áttir þegar lögreglumaðurinn Hobbs leitar til Doms vegna vægðarlauss glæpamanns sem hefur tekið yfir göturnar en ljóst þykir að ekki dugi neitt minna en Dom og hans trylltu ökuþórar til þess að hindra þennan þaulreynda glæpon.

„Allir vegir liggja hingað" segir slagorð Fast & Furious 6. Vin Diesel og félagar tóku úldna og þreytta kvikmyndaseríu og lyftu henni á hærra plan með Fast Five sem kom fyrir tveimur árum. Það er ekki oft sem hægt er að segja að fimmta myndin í seríunni sé sú besta (jú, í tilfelli Star Wars: Episode VI - Empire Strikes Back) en Fast Five er það, enda frábær. Fast & Furious 6 fylgir sömu stefnuyfirlýsingu og fimmta myndin þar sem áhersla er lögð á þéttan söguþráð umfram heiladauðu akstursatriðin í fyrri myndunum.

Í Fast & Furious 6 er allt keyrt í botn þar sem þyngdarlögmálinu og vitsmunum áhorfenda er ögrað með dellukeyrslu og yfirdrifnum áhættuatriðum. En þrátt fyrir alla vitleysuna er myndin merkilega fjörug og skemmtileg. Fjölmörg bílaatriði myndarinnar eru stórgóð og inn á milli er slegið á létta strengi.

Diesel hefur smalað saman leikurum fyrri myndanna; Paul Walker, Michelle Rodriguez, Ludacris og Sung Kang, ásamt Dwayne Johnson úr fimmtu myndinni og hörkutólinu Ginu Carano sem gefur strákunum ekkert eftir í hörku. Flestar persónurnar fá að láta ljós sitt skína og bregða á leik, og er slæmum samtölum bjargað fyrir horn með húmor og yfirleitt ganga brandararnir út á hversu takmarkaðar persónurnar eru.

Diesel og gengið má eiga það að þeim tókst að taka U-beygju á slappri kvikmyndaseríu með nýjum áherslum með Fast Five og þessari. Vel má vera að Fast & Furious 6 sé fyrirsjáanleg, hávaðasöm og kjánaleg en hún er einnig skemmtileg og fjörug og er það einmitt sem skiptir máli.

Leikstjóri: Justin Lin
Handrit: Chris Morgan
Leikarar: Vin Diesel, Dwayne Johnson, Paul Walker, Gina Carano, Michelle Rodriguez, Ludacris, Sung Kang



Svarthöfði 2011-2013 - Allur réttur áskilinn | svarthofdi (hjá) svarthofdi.is | Um Svarthöfða