A PHP Error was encountered

Severity: Notice

Message: Only variable references should be returned by reference

Filename: core/Common.php

Line Number: 257

Greenberg | Kvikmyndavefurinn Svarthöfði

Úr bunkanum: Greenberg (2010)

20. febrúar '13 14:33 Greenberg

„Í kvikmynd þar sem söguþráðurinn er eins áreynslulaus og hugsast getur er lagt allt of mikið púður sett í að gera Greenberg eins óviðkunnalegan og leiðinlegan hugsast getur.“

Greenberg er nýútskrifaður af geðdeild og snýr aftur til Los Angeles eftir áratugs fjarveru. Bróðir hans er á leiðinni í frí og felur honum það einfalda verkefni að passa húsið sitt og byggja hundakofa. Greenberg stefnir á að gera sem minnst en í húspössununni kynnist hann ungri konu sem starfar sem aðstoðarkona bróðurins.

Noah Baumbach gerði garðinn frægan með hinni stórgóðu The Squid and the Whale frá árinu 2005 en þar áður sendi hann frá sér Kicking and Screaming. Baumbach er ekki frábrugðinn starfsbróður sínum Wes Anderson í handritsgerð og ríkir sama afslappaða andrúmsloftið í kvikmyndum þeirra beggja en þeir skrifuðu einmitt Fantastic Mr. Fox saman.

Í Greenberg má finna helstu kennimerki Baumbach þar sem sagan er jarðbundin, þægileg og framan af rennur hún áreynslulaust í gegn. Það er ekki fyrr en líða fer á myndina sem persóna Greenbergs, sem Ben Stiller leikur, tekst gjörsamlega að granda myndinni. Greenberg er svo ótrúlega sjálfhverfur og leiðinlegur að myndin nær ekki neinu flugi. Allan myndina heldur maður í vonina um að Greenberg geri sér grein fyrir mistökum sínum og göllum en hann heldur bara ótrauður áfram og leggur allt í rúst sem hann snertir. Grátleg framkoma hans í garð vina sinna er fyrir neðan allar hellur og ef ætlast er til þess að myndin sé grátbrosleg þá mistókst Baumbach allsvakalega.

Stiller er líflaus og þreytandi sem Greenberg og lítið væri varið í myndina ef ekki væri fyrir heillandi leik hennar Gretu Gerwig. Persóna hennar er afar viðkunnanleg og er ætlast til þess að hún vegi upp á móti Greenberg sem er bara absúrd þar sem Greenberg leggur allt líf hennar í rúst. Rhys Ifans og Jennifer Jason Leigh leika gamla vini Greenbergs en Leigh skrifar einnig handrit myndarinnar á móti Baumbach.

Í kvikmynd þar sem söguþráðurinn er eins áreynslulaus og hugsast getur er lagt allt of mikið púður sett í að gera Greenberg eins óviðkunnalegan og leiðinlegan hugsast getur.

Leikstjóri: Noah Baumbach
Handrit: Noah Baumbach, Jennifer Jason Leigh
Leikarar: Ben Stiller, Greta Gerwig, Rhys Ifans, Mark Duplass, Jennifer Jason Leigh, Juno Temple



Svarthöfði 2011-2013 - Allur réttur áskilinn | svarthofdi (hjá) svarthofdi.is | Um Svarthöfða