A PHP Error was encountered

Severity: Notice

Message: Only variable references should be returned by reference

Filename: core/Common.php

Line Number: 257

Let's Be Cops | Kvikmyndavefurinn Svarthöfði

Í bíó: Let's Be Cops (2014)

26. ágúst '14 17:04 Let's Be Cops

„Let's Be Cops er ekkert í neinum þykjustuleik og er einmitt það sem hún leggur upp til með að vera; kjánaleg og lauflétt skemmtun í 100 mínútur.“

Tveir vinir klæða sig upp sem löggur fyrir grímubúningapartí. Þeir eru fljótir að átta sig á þeim völdum og sjarma sem fylgir lögreglubúningnum en annar þeirra tekur hlutverkið full hátíðlega og er fljótlega kominn í illdeilur við stórhættulega glæpamenn.

Einstaka sinnum dúkka upp fréttir hérlendis þar sem greint er frá því að óprúttnir aðilar þykjast vera laganna verðir. Við lestur slíkra frétta sér maður nú varla hver ávinningurinn af slíkum leikaraskap getur verið en vinirnir Ryan og Justin í Let's Be Cops sá sér vissulega hag í þessu. Og nú geri ég það líka.

Hugmyndin að baki Let's Be Cops hljómar svipað og skets úr sjónvarpsþáttunum Saturday Night Live sem er teygður yfir í kvikmynd. Að vísu furðufínn skets. Uppátæki þeirra félaga eru á köflum stórfyndin og maður þreytist seint á því að fylgjast með þeim félögum bregða skildinum fyrir sig, reykja gras, ryðjast inn á skemmtistaði, munda skotvopn á veitingarstöðum og þar eftir götunum.

Samleikur þeirra Jake Johnson og Damon Wayans Jr. er merkilega góður og þeir smellpassa saman sem vinir sem sigla undir fölsku flaggi í nafni laganna. Johnson stendur uppúr sem Ryan, vinurinn sem gengur skrefinu lengra með hugmyndina, og síðan að lokum alla leið. Og svo örlítið lengra. Andy Garcia bregður fyrir í minna hlutverki sem rannsóknarlögreglumaður sem er ekki allur þar sem hann er séður og Rob Riggle leikur treggáfaðan lögreglumann sem vinirnir tveir vingast við.

Let's Be Cops er ekkert í neinum þykjustuleik og er einmitt það sem hún leggur upp til með að vera; kjánaleg og lauflétt skemmtun í 100 mínútur.

Leikstjóri: Luke Greenfield
Handrit: Luke Greenfield, Nicholas Thomas
Leikarar: Jake Johnson, Damon Wayans Jr., Rob Riggle, Nina Dobrev, James D'Arcy, Andy Garcia



Svarthöfði 2011-2013 - Allur réttur áskilinn | svarthofdi (hjá) svarthofdi.is | Um Svarthöfða