A PHP Error was encountered

Severity: Notice

Message: Only variable references should be returned by reference

Filename: core/Common.php

Line Number: 257

Parker | Kvikmyndavefurinn Svarthöfði

Í bíó: Parker (2013)

4. febrúar '13 17:48 Parker

„Parker ristir ekkert sérstaklega djúpt en fyrir þá sem vita hverju þeir ganga þá er myndin hin fínasti „Stattari" ef svo mætti til orða komast.“

Þegar Parker er svikinn af samstarfsfélögum sínum eftir rán, hann skotinn og skilinn eftir í vegkanti, ætlar hann að ná fram hefndum. Fyrrum samstarfsfélagar hans eru nefnilega að leggja drög að því að fremja stórt rán og Parker ætlar að ræna af þeim gossinu.

Jason Statham er að staðaldri samasemmerki fyrir formúlukenndar hasarmyndir og rokka þær yfirleitt á milli þess að vera sæmilegar yfir í fínar. Tvær eða þrjár hafa risið upp úr meðalmennskunni en eitt eiga flestar myndir hans sameiginlegt og það er að fólk gengur að þeim vísum og veit hverju það á von á.

Taylor Hackford leikstýrir þessari týpísku hefndarsögu sem er ekki ólík þeim kvikmyndum sem Charles Bronson hefði tekið að sér hér árum áður; ræningi með prinsipp er svikinn og ætlar að senda fantana í gröfina. Sem er í sjálfu sér alveg í fínasta lagi þar sem Bronson-myndirnar er margar hverjar hin fínasta skemmtun. Ólíkt öðrum Statham-myndum hafa hlutverkin hér eitthvað snúist og í stað þess að hann berji menn sundur og saman, þá er hér lúskrað á honum svo á honum sést. Þá er hasarinn merkilega látlaus og töluvert jarðbundnari en gerist og gengur í Statham-myndum.

Statham hefur fyllt í það stóra skarð sem Bronson skyldi eftir og má líkja honum sem kokteil af honum, Bruce Willis með dass af Chuck Norris. Hann er svosem fínn í Parker og fær að gera það sem hann gerir best; slást, hamast og vera kaldhæðinn. Michael Chiklis leikur foringja ræningjanna og leikur hann meira og minna sama hlutverk og hann fór með í sjónvarpsþáttunum The Shield í ein sex ár. Þrátt fyrir að vera fastur í sama farinu þá er það merkilegt hversu vel hann nýtur sín hlutverkinu. Jennifer Lopez fer með hlutverk fasteignarsala sem horfir girndaraugum á persónu Stathams og vill ólm fá sínu framgengt og Nick Nolte er samur við sig í hlutverki atvinnumiðlara Parkers sem rausar út í eitt.

Parker ristir ekkert sérstaklega djúpt en fyrir þá sem vita hverju þeir ganga þá er myndin vera hin fínasti „Stattari" ef svo mætti til orða komast.  

Leikstjóri: Taylor Hackford
Handrit: John J. McLaughlin, Donald E. Westlake
Leikarar: Jason Statham, Jennifer Lopez, Michael Chiklis, Clifton Collins Jr., Nick Notle, Patti LuPonte



Svarthöfði 2011-2013 - Allur réttur áskilinn | svarthofdi (hjá) svarthofdi.is | Um Svarthöfða