A PHP Error was encountered

Severity: Notice

Message: Only variable references should be returned by reference

Filename: core/Common.php

Line Number: 257

Premium Rush | Kvikmyndavefurinn Svarthöfði

Blu-ray: Premium Rush (2012)

25. september '13 15:28 Premium Rush

„Í Premium Rush er keyrt á hasar út í gegn og áhorfendur rjúka bremsulausir með sendlinum um götur New York-borgar...“

Hjólreiðasendill þeytist um götur Manhattan á ofsahraða með póstsendingu. Þegar lögreglumaður reynir að hafa af honum sendinguna nýtir sendillinn sér þéttsetna borgina og kraðak bíla til þess að komast á áfangastað.

Handritshöfundurinn mistæki David Koepp leikstýrir og skrifar Premium Rush og kynnir áhorfendur fyrir spennunni og adrenalínflæðinu sem fylgir því að vera hjólreiðasendill í New York á háannatíma.

Söguþráðurinn gæti ekki verið einfaldari en Koepp þykir gaman að flækja hlutina kryddar frásögnina með ýmsum útúrdúrum. Hann stokkar upp tímaröðinni og fléttar inní hvað varð til þess að hrinda atburðarásinni af stað, án þess að nokkur þörf sé á þar sem sú flétta stuðlar hvorki að því að koma áhorfandanum né sendlinum á áfangastað.

Hjólreiðahasarinn er furðuskemmtilegur og áhorfendur þjóta um bílafrumskóginn með frumlegri og fjölbreytilegri myndatöku. Áhættuatriðin eru vel gerð og er erfitt að sjá hvort leikarinn Joseph Gordon-Levitt framkvæmi þau sjálfur eða ekki. Michael Shannon leikur í tíunda skiptið öskrandi skúrk sem vill ná sínu fram og hefur engu nýju við þá rullu að bæta.

Í Premium Rush er keyrt á hasar út í gegn og áhorfendur rjúka bremsulausir með sendlinum um götur New York-borgar. Því miður gat Koepp ekki látið sér nægja að láta söguna hverfast um ferð frá A til B, heldur freistast til þess að greina frá öllu sem gerðist áður og þess á milli. Allir þeir útúrdúrar hægja nefnilega á þessari hröðu mynd.

Leikstjóri: David Koepp
Handrit: David Koepp
Leikarar: Joseph Gordon-Levitt, Michael Shannon, Dania Ramirez



Svarthöfði 2011-2013 - Allur réttur áskilinn | svarthofdi (hjá) svarthofdi.is | Um Svarthöfða