A PHP Error was encountered

Severity: Notice

Message: Only variable references should be returned by reference

Filename: core/Common.php

Line Number: 257

Scary Movie 5 | Kvikmyndavefurinn Svarthöfði

Í bíó: Scary Movie 5 (2013)

24. apríl '13 00:00 Scary Movie 5

„... aðalbrandari myndarinnar reynist vera á kostnað borgandi áhorfenda – sem henda peningum fyrir að fá að sjá þessi ósköp.“

Sleppum öllum óþarfa kjaftæði. Scary Movie 5 er hræðilega vond mynd. Þeim áhorfendum sem finnst fyndið að kveikt sé í ungabarni, lítil stelpa troði íspinna í rassinn á sér og hundi sé kynferðislega misþyrmt með tannbursta, þurfa virkilega á hjálp að halda.

Scary Movie-serían minnir óneitanlega á Police Academy-seríuna þar sem hver myndin á fætur annarri var verri en sú fyrri. Scary Movie 5 er svo ótrúlega vond og ófyndin að það hlýtur að vera grín. Botninum er náð með þessu fimmta innslagi í þessari slöku seríu og gott betur en það.

Hæðst er að kvikmyndum á borð við Inception, Black Swan, Evil Dead, Rise of the Planet of the Apes og Paranormal Activity með glataðri útkomu og reynist aðalbrandari myndarinnar vera á kostnað borgandi áhorfenda – sem henda peningum fyrir að fá að sjá þessi ósköp.

Ef Svarthöfði færi niður fyrir eina stjörnu yrði þessi mynd svo sannarlega sú fyrsta til að fá hauskúpu.

Leikstjóri: Malcolm D. Lee
Handrit: Pat Proft, David Zucker
Leikarar: Ashley Tisdale, Simon Rex, Erica Ash, Charlie Sheen, Linday Lohan, Snoop Dogg



Svarthöfði 2011-2013 - Allur réttur áskilinn | svarthofdi (hjá) svarthofdi.is | Um Svarthöfða