A PHP Error was encountered

Severity: Notice

Message: Only variable references should be returned by reference

Filename: core/Common.php

Line Number: 257

Silent Night, Deadly Night | Kvikmyndavefurinn Svarthöfði

Úr bunkanum: Silent Night, Deadly Night (1984)

8. desember '12 12:48 Silent Night, Deadly Night

„Þegar kerfið brást honum, Jesús yfirgaf hann og þegar hann er neyddur til þess að klæðast jólasveinabúningi í vinnunni er sjálfgefið að gripið verði í næstu exi og mannskapnum slátrað í nafni jólanna.“

Þegar Billy verður vitni að morði foreldra sinna af hrotta í jólasveinabúning er bróður hans og honum komið fyrir á munaðarleysingjahæli í faðmi Jesús. Yfirnunnan er sannfærð um að það sé hægt að koma Billy yfir þessa hryllilegu reynslu með beltisstrokum og með því að neyða hann til þess að sita í kjöltu jólasveinsins. Þegar á unglingaaldurinn er komið kraumar jólahatrið enn í honum og að lokum gýs hann og myrðir fjölda manns.

„Myndin sem gekk of langt. Þau reyndu að banna hana. Þau vildu ekki að þú myndir sjá hana!" segir í hástöfum utan á kápu Silent Night, Deadly Night. Myndin, sem var áður bönnuð af Breska kvikmyndaeftirlitinu (BBFC), kemst ekki í hálfkvist það sem sést í dag en kemur á óvart í ofbeldi, blóðsúthellingum og nekt. Í myndinni mætast tvær kvikmyndategundir sem þóttu vera á gráu svæði hér árum áður, „slasher“ og „sexploitation“ og úr verður stórfurðulegur jólakokteill.

Þegar kerfið brást honum, Jesús yfirgaf hann og þegar hann er neyddur til þess að klæðast jólasveinabúningi í vinnunni er sjálfgefið að gripið verði í næstu exi og mannskapnum slátrað í nafni jólanna. Það fer ekkert á mili mála um hræódýra framleiðslu að ræða en myndin stendur furðuvel af eldri hrollvekju að vera.

Silent Night, Deadly Night er týpískur „slasher“ frá níunda áratugnum sem ristir ekkert sérstaklega djúpt. Unglingagredda í bland við blóðsúthellingar í nafni bældra tilfinninga og jólanna er eins og áður var sagt, stórfurðulegur kokteill, en samt sem áður glettilega fínn.

Leikstjóri: Charles E. Sellier Jr.
Handrit: Paul Caimi, Michael Hickey
Leikarar: Robert Brian Wilson, Lilyan Chauvin, Gilmer McCormick, Danny Wagner



Svarthöfði 2011-2013 - Allur réttur áskilinn | svarthofdi (hjá) svarthofdi.is | Um Svarthöfða