A PHP Error was encountered

Severity: Notice

Message: Only variable references should be returned by reference

Filename: core/Common.php

Line Number: 257

Survival of the Dead | Kvikmyndavefurinn Svarthöfði

Beint-á-DVD: Survival of the Dead (2009)

4. júní '12 11:19 Survival of the Dead

„Um leikaranna er lítið hægt að segja að fyrir utan að maður hlýtur að spyrja sig hvar í ósköpunum Romero gróf þá eiginlega upp. Þessi mikli meistari uppvakningamyndanna hefur staðið í stað í rúman áratug og heldur áfram að hjakkast í sama farinu.“

Hópur hermanna gengur inn í fjölskyldudeilu á lítillri eyju þar sem tvær fjölskyldur hafa skipt eyjunni á milli sín og erjurnar snúast um að höfuð annarrar fjölskyldunnar telur að aflífa eigi alla uppvakninga en leiðtogin hinnar fjölskyldunnar telur að Guð muni koma þeim til bjargar.



Romero, Romero, Romero. George A. Romero, þessi mikli meistari uppvakningamyndanna sendir hér frá sér sjötta innslagið í Dead-kvikmyndabálkinn sem hófst árið 1968 með Night of the Living Dead og setti þar með viðmiðið í uppvakningamyndum. Romero festi sig síðan í sessi með framhaldsmyndunum Dawn of the Dead og Day of the Dead komst hann í guðatölu meðal hrollvekjuaðdáenda.
 

Í síðustu uppvakninga- myndum sínum hefur Romero verið út á þekju og Survival of the Dead er þar engin undantekning. Söguþráðurinn er í stuttu máli sagt hvorki fugl né fiskur. Helminginn af tímanum er hvorki hægt að botna upp né niður í atburðarásinni og persónur eru þynnri en klósettpappír. Einhliða, illa skrifaðar og einkum heimskar. Á árum áður fléttaði Romero einhvers konar samfélagsgagnrýni saman við myndir sínar, eða slíku hafa í það minnsta spekingar haldð fram, og hér er á endasprettinum troðið inn einhverjum ,,grasið er alltaf grænna hinum megin"-boðskap sem kolfellur. Og svo er myndin líka drepleiðinleg.


Það fer ekkert á milli mála að framleiðslan er hræódýr og hún ber þess öll merki. Romero hefur yfirgefið hefðbundnar brellur fyrir blóðsúthellingar og „gore“ -atriði sem einkenndu verk hans áður fyrr og nú notast hann í staðinn við hræðilegar tölvubrellur. Romero hefur haft frjálsari hendur varðandi ofbeldi og blóð þegar notast er við tölvubrellur en brellurnar eru svo vondar að það nær engri átt. Þar að auki er ofbeldið orðið geggjaðra og þar skýtur Romero langt yfir markið. Í eldri myndum vann hann innan ákveðins ramma, ásamt Tom Savini, sem settu honum ákveðin mörk. Hér sleppir hann fram af sér beislinu og gerir allt sem honum dettur í hug.
 

Um leikaranna er lítið hægt að segja að fyrir utan að maður hlýtur að spyrja sig hvar í ósköpunum Romero gróf þá eiginlega upp. Þessi mikli meistari uppvakningamyndanna hefur staðið í stað í rúman áratug og heldur áfram að hjakkast í sama farinu. Spólar, spólar og spólar.

Leikstjóri: George A. Romero
Handrit: George A. Romero
Leikarar: Alan Van Sprang, Kenneth Welsh, Kathleen Munroe, Devon Bostick



Svarthöfði 2011-2013 - Allur réttur áskilinn | svarthofdi (hjá) svarthofdi.is | Um Svarthöfða