A PHP Error was encountered

Severity: Notice

Message: Only variable references should be returned by reference

Filename: core/Common.php

Line Number: 257

The Starving Games | Kvikmyndavefurinn Svarthöfði

Í bíó: The Starving Games (2013)

14. nóvember '13 12:32 The Starving Games

„The Starving Games er best lýst sem samansafni af illa skrifuðu og ófyndnu gríni og handahófskenndum bröndurum sem eiga í raun ekkert sameiginlegt annað en að vera einstaklega þreytandi og leiðinlegir.“

Skopmyndin The Starving Games kemur úr smiðju þeirra sömu og gerðu Epic Movie, Meet the Spartans og Disaster Movie. Rétt eins og nafnið gefur til kynna er það kvikmyndin The Hunger Games sem er tekin fyrir að þessu sinni.

Leikstjórarnir Jason Friedberg og Aaron Seltzer bera ábyrgð á mörgum af ófyndnustu gamanmyndum sem ratað hafa í kvikmyndahús síðastliðinn áratug og virðast hvergi nærri hættir í bransanum. Í raun ætti að setja þessa félaga í straff hið snartasta eða jafnvel í kvikmyndafangelsi.

Í ljósi þess að ný The Hunger Games-kvikmynd kemur í bíó síðar í mánuðinum er tilvalið að rúlla út með tveggja ára gamla grautlélega aulabrandara sem varla er vert að eyða orðum í. Þessar 80 mínútur sem myndin varir virtust vera heil eilífð.

The Starving Games er best lýst sem samansafni af illa skrifuðu og ófyndnu gríni og handahófskenndum bröndurum sem eiga í raun ekkert sameiginlegt annað en að vera einstaklega þreytandi og leiðinlegir. Það má með vissu segja að The Starving Games sé svo ófyndin að það jaðri við að vera fyndið en ekki dugði það til þess að manni væri skemmt yfir þessum ósköpum.

Leikstjóri: Jason Friedberg, Aaron Seltzer
Handrit: Jason Friedberg, Aaron Seltzer
Leikarar: Maiara Walsh, Brant Daugherty, Cody Christian, Diedrich Bader



Svarthöfði 2011-2013 - Allur réttur áskilinn | svarthofdi (hjá) svarthofdi.is | Um Svarthöfða