A PHP Error was encountered

Severity: Notice

Message: Only variable references should be returned by reference

Filename: core/Common.php

Line Number: 257

Uncharted 3: Drake's Deception | Kvikmyndavefurinn Svarthöfði

Playstation 3: Uncharted 3: Drake's Deception (2011)

16. desember '11 13:28 Uncharted 3: Drake's Deception

„Rétt eins og í Among Thieves er upplifunin eins og um kvikmynd sé að ræða. Útlit og hljóð leiksins eru óaðfinnanleg...“

Í Uncharted 3: Drake's Deception halda ævintýri grafaræningjans Nate Drake áfram og er hann nú í kappi við tímann um að finna fjarsjóðinn Atlantis eyðimerkunnar á undan öðrum grafræningjum sem ætla sér að nota fjarsjóðin til þess að fjármagna einhver illvirki.

Nú eru tvö ár liðin síðan Uncharted 2: Among Thieves kom og sigraði hjörtu leikjaspilara með frábærum söguþræði sem tók mann heljargreipum frá byrjun til enda. Það reynist Drake's Deception erfiðara að ná slíkum tökum á manni því söguna vantar almennilega byrjun og gengur ögn brösulega að koma sögunni til að skila.

Endurlit úr fortíð Drake's þar sem hann kynnist Sully er svosem ágætt og útskýrir áralanga vináttu þeirra og hvernig atburðarásinni í leiknum er hagað. Óþokkarnir eru lítt áhugaverðir og atburðarásin í kringum þá er ekki upp á marga fiska. En það segir enginn að manni eigi að líka vel við skúrkana. Drake og Sully eru að vanda bráðfyndnir saman og er gaman að fylgjast með endalausu þrasi þeirra sem er eins og góður bræðrarígur.

Rétt eins og í Among Thieves er upplifunin eins og um kvikmynd sé að ræða. Útlit og hljóð leiksins eru óaðfinnanleg og það er hægt að sitja tímunum saman og virða fyrir sér stórglæsilegt og margbreytilegt umhverfi leiksins. Meðan stjórnunin í Among Thieves var til fyrirmyndar og gerði manni auðvelt á ná tökum á leiknum, þá virkar hún ögn úrelt hér. Hopp, klifur og rússíbanaferðir eru á sínum stað en leiðinlegir gallar á borð við stjórnunar erfiðleika í hoppum og miði eru þreytandi.


Í leiknum er boðið uppá fjölspilun á netinu sem kemur á óvart; bæði hversu vel spilunin heppnast og hversu endingargóð hún er, en hægt er að keppa í liðum eða vinna borð úr leiknum í sameiningu. Uncharted 3: Drake's Deception reynist erfitt að feta í fótspor forvera síns en er þrátt fyrir það þrusugóður leikur.


 

Leikstjóri:
Handrit:
Leikarar:



Svarthöfði 2011-2013 - Allur réttur áskilinn | svarthofdi (hjá) svarthofdi.is | Um Svarthöfða