A PHP Error was encountered

Severity: Notice

Message: Only variable references should be returned by reference

Filename: core/Common.php

Line Number: 257

World War Z | Kvikmyndavefurinn Svarthöfði

Í bíó: World War Z (2013)

15. júlí '13 13:00 World War Z

„Í World War Z er tekinn annar vinkill á hina blóðþyrstu uppvakninga og þrátt fyrir að myndin hafi lent í einhverjum hremmingum þá virkar hún. Núna er bara að keyra í gang framhaldið og vonandi verður það meira blóðbað.“

Starfsmaður Sameinuðu þjóðanna er í kapphlaupi við tímann þegar hann reynir að stöðva útbreiðslu banvæns víruss sem gerir fólk að uppvakningum.

Uppvakningar hafa sjaldan verið vinsælli en einmitt núna þegar hinir lifandi dauðu herja á okkur í kvikmyndahúsum, sjónvarpsþáttum, pólitík og tölvuleikjum. Uppvakningum hefur þó aldrei verið telft fram í mynd af þessari stærðargráðu (lesist: dýrasta) sem World War Z er.

World War Z er byggð á samnefndri bók Max Brooks (sonar Mels) og Marc Forster leikstýrir herlegheitunum. Bókin hefur fengið góðar viðtökur en myndin lítið sem ekkert sameiginlegt með texta Brooks að því undanskyldu að fjalla um uppvakninga og bera þennan ágæta titil. Ekki þarf þó að hafa frekari málalengingar um þetta þar sem myndin er fínasta skemmtun.

Ólíkt öðrum uppvakningamyndum er World War Z fremur spennumynd en hrollvekja. Hér er ekkert verið að króa fólk af og láta áhorfendur svitna yfir fjórum eða fimm heiladauðum uppvakningum sem eru handan hornið. Hér eru hóparnir ansi stórir og felst spennan í kapphlaupinu við tímann að reyna finna lausn á þessum alheimsfaraldri.

Ýmislegt hefur gerst bakvið tjöldin við gerð myndarinnar og ýmisr fjölmiðlar hafa greint frá alls konar vandræðum í framleiðslunni. Eftir að tökum lauk var nýjum handritshöfundum falið að skrifa ný atriði og nýjan endi þar sem sá fyrri þótti of drungalegur og var því látinn fjúka og málunum þannig bjargað.

Þrátt fyrir að myndin hafi þurft á þessum björgunaraðgerðum að halda virkar hún furðuvel og býður upp á fjöldan allan af traustum atriðum. Eitt slíkt atriði stendur upp úr en það gerist í flugvél þegar smit berast farþega á milli og engin undankomuleið virðist í augnsýn.

Brad Pitt er stórfínn í hlutverki Garrys, starfsmanns Sameinuðu Þjóðanna, sem þykir ansi furðulegt val fyrir þetta veigamikla verkefni. Garry er sagður vera reynslubolti á víglínunni og ljóst að hann ætli sér að nota alla sína reynslu ekki síst til þess að forða fjölskyldu sinni frá plágunni. Hann er því tilbúinn til þess að fórna eigin lífi fyrir almannaheill. Og fjölskyldunar. Leikarinn David Morse er vannýttur í litlu hlutverki sem tannlaus skrautfugl hjá CIA sem veit hvernig faraldurinn fór af stað.

Í World War Z er tekinn annar vinkill á hina blóðþyrstu uppvakninga og þrátt fyrir að myndin hafi lent í einhverjum hremmingum þá virkar hún. Núna er bara að keyra í gang framhaldið og vonandi verður það meira blóðbað.

Leikstjóri:
Handrit: Matthew Michael Carnahan, Damon Lindelof, Drew Goddard, J. Michael Straczynski, Max Brooks
Leikarar: Brad Pitt, Mireille Enos, Daniella Kertesz, David Morse, James Badge Dale



Svarthöfði 2011-2013 - Allur réttur áskilinn | svarthofdi (hjá) svarthofdi.is | Um Svarthöfða