A PHP Error was encountered

Severity: Notice

Message: Only variable references should be returned by reference

Filename: core/Common.php

Line Number: 257

Flottustu viðhafnarútgáfurnar á Blu-ray | Kvikmyndavefurinn Svarthöfði

Toppfimm: Flottustu viðhafnarútgáfurnar á Blu-ray

24. júlí '13 15:54 Flottustu viðhafnarútgáfurnar á Blu-ray

Viðhafnarútgáfur kvikmynda og sjónvarpsþátta prýða söfn fjölmargra kvikmyndaáhugamanna og útgáfurnar skipta hundruðum. Svarthöfði skautar hér fyrir fimm flottustu viðhafnarútgáfurnar á Blu-ray. Verð eru gróflega útreiknað miðavið gengi (124 kr), flutning til landsins og hin ýmsu gjöld.



5. The Dark Knight Rises - Limited Edition Bat Cowl Packaging
Seinna í ár kemur The Dark Knight-þríleikurinn í veglegri útgáfu með öllu tilheyrandi. Hér má líta á sett sem gefið var út í kringum The Dark Knight Rises og fangar það augnablikið þegar Bane braut leðurblökuna. Nema núna er það upp á hillu.

Fáanlegt: Hægt að panta af þriðja aðila á Amazon.com
Verð: 11.848 kr


4. The Walking Dead: The Complete Second Season - Zombie Statue Case
Hinir dauðu ganga í sjónvarpsþáttunum vinsælu The Walking Dead. Þetta sett var kynnt til sögunnar á Comic Con-ráðstefnunni vinsælu síðasta sumar og uppskar fagnaðarlæti meðal aðdáenda. Settið inniheldur seríu tvö á fjórum diskum sem geymdir eru í höfði uppvakningastyttu. Til þess að opna hausinn þarf að stinga skrújárni (sem fylgir með) inn í annað augað og snúa. Hörðustu aðdáendur uppvakningaþáttanna verða að eiga þetta sett.

Fáanlegt: Hægt að panta af þriðja aðila á Amazon.com
Verð: 35.470 kr


3. Alien - Limited Edition Egg
Alien-safnið er algjöst möst í safnið hjá hverjum kvikmyndasafnara en fyrir lengra komna var boðið upp á safnið í stórglæsilegri styttu sem Sideshow Collectibles framleiddi. Alien-aðdáendur skipta tugum milljóna en aðeins fimm þúsund svona sett voru framleidd.

Fáanlegt: Hægt að panta af þriðja aðila á Amazon.com
Verð: 35.470 kr


2. Harry Potter - Wizards Collection Box Set
Þegar Harry Potter-bálknum lauk með látum fyrir tveimur árum lá í augum uppi að safn með öllum myndunum átta kæmi fyrr eða síðar út á Blu-ray. Þessi kassi leynir aldeilis á sér því að hvorki meira né minna en 31 diskur leynist í settinu. Lengri útgáfur af myndunum, aukadiskar og fjöldinn allur af skemmtilegheitum má finna í þessu völundarhúsi, meðal annars leynihólf sem geymir kort af skólanum ágæta í myndunum.

Fáanlegt: Hægt að panta á vef ELKÓ
Verð: 39.995 kr


1. Scarface - Limited Edition Gift Set with Humidor
Kvikmynd Brians De Palma, Scarface, hefur sett mark sitt á kvikmyndasöguna þótt Svarthöfða þyki hún óttalega klén. Hörðustu aðdáendur Tony Montana og Scarface geta fjárfest í þessu veglega setti sem inniheldur Scarface, sem De Palma gerði í stálbók (e. steelbook), upprunalegu Scarface sem Howards Hawks leikstýrði árið 1932, einhver póstkort og vindlarakakassa. Já, vindlarakakassa.

Fáanlegt: Hægt að panta á Amazon.com
Verð: 51.904 kr á tilboði, fullt verð er 184.691 kr.


Önnur sett sem eru væntanleg:


The Dark Knight Trilogy: Ultimate Collector's Edition


Dexter: The Complete Series

Vignir Jón Vignisson


Svarthöfði 2011-2013 - Allur réttur áskilinn | svarthofdi (hjá) svarthofdi.is | Um Svarthöfða