A PHP Error was encountered

Severity: Notice

Message: Only variable references should be returned by reference

Filename: core/Common.php

Line Number: 257

Tupac hefði leikið í Star Wars? | Kvikmyndavefurinn Svarthöfði

Hvað ef... Tupac hefði leikið í Star Wars?

13. janúar '14 14:31 Tupac hefði leikið í Star Wars?

Eins og fjölmörg dæmi sanna er ekki öll vitleysan eins og sum þvælan er magnaðari en önnur. Nú hefur stigið fram fyrrverandi upptökustjóri Death Row Records, Rick Clifford, og heldur því staðfastlega fram að rapparinn Tupac Shakur hafi komið til greina í hlutverk Jedi-riddarans vaska Mace Windu í seinni Star Wars-þríleiknum.

Þetta hljómar nokkuð sérkennilega þar sem Tupac var drepinn 1996 en á samt að hafa verið á leiðinni í áheyrnarprufu hjá George Lucas fyrir Star Wars: The Phantom Menace sem kom ekki í kvikmyndahús fyrr en 1999.

„Hann sagði mér að hann ætti að fara í prufu hjá George Lucas og hans fólki. Þau vildu að hann yrði Jedi. Já, mér er alvara – Samuel L. fékk hlutverk Tupacs,“ sagði Clifford í viðtali við 2Pac-Forum.

Shakur daðraði aðeins við kvikmyndaleik áður en hann var drepinn og lék meðal annars í Poetic Justice, eftir John Singleton, Juice, Above the Rim, á móti vini sínum, Mickey Rourke, í Bullet og mætti Tim Roth í Gridlock’d. Ómögulegt er að segja til um hvernig rapparinn hefði tekið sig út í brúnum kufli með fjólublátt geislasverð á lofti en sjálfsagt hefði hann skotið Darth Maul, Jango Fett og Count Dooku skelk í bringu hefði hann ausið þá svívirðingum gangsta style.

Say what you say, the Force is with me always!

Fólk fær stundum galnar hugmyndir í Hollywood. Sumar verða að veruleika en aðrar rætast sem betur fer aldrei. Í „Hvað ef...?“ rifjar Svarthöfði upp ýmsar gamlar delluhugmyndir og veltir fyrir sér hvernig hefði farið ef þær hefðu komist alla leið í bíó.

Þórarinn Þórarinsson


Svarthöfði 2011-2013 - Allur réttur áskilinn | svarthofdi (hjá) svarthofdi.is | Um Svarthöfða